داغلي زړونه

تــورې وريځې طــوفانونه
غــم لــړلـي مــاښامـونــه

بيا اسمان ولې په قهر دی
بد حالت دی بد روزګار دی

د اسمان لمنې سرې دي
درد اوغم شیبه، شیبې دي

دي غمجن، مهلک وختونه
نــــا اميد داغــــلي زړونه

ځوانيمرګــه مو هستي ده
دنــــيا تلونکې ده فــاني ده

ځـــي د اوښــکو سیلابونه
پرې لامده شول ګريوانـونه

ځوانيمرګ مـو نن بهار دی
جګ نښتر دی که چنار دی

ربــــه راولــــې قرار بيا
د دې سيمې پــه ګلزار بيا

غوټــۍ وسپړي خندا شي
خوشالي په هــره خوا شي

ربــه ختم دا مــــاتم کــړې
خوشالي په هر قدم کړې

د اسمان لــمنې شنې کړې
د خوښۍ بلې ډيــوې کړې

ستا دربارته دوعـاګـوی يو
چې پــدې خــبره پوی يــــو

صرف تحفه زمونږ ايمان دی
دا ژوندون يـــو امتحان دی
————————–

شاعر : سمیع الدین افغاني

Related Articles

ځواب دلته پرېږدئ

ستاسو برېښناليک به نه خپريږي. غوښتى ځایونه په نښه شوي *

Back to top button
Close
Close