د اشرف غني لخوا د خلیل فیروزي خوشي کیدلو، امریکایي سفیر غوسه کړی

 

عزم(پنج شنبه، ۲۴زمری ،۱۳۹۸)په داسې حال کې چې د اشرف غني لخوا د کابل بانک د فساد په قضیه کې د لوی برخوال خلیل الله فیروزي د خوشي کیدو په هکله په کوردننه توند غبرګونونه راڅرګند شوي، تازه په کابل کې د امریکاسفیر جان باس هم د ارګ دې اقدام ته توند غبرګون ښوودلی او د فساد پرضد مبارزه کې یې د ارګ پر نیت شک څرګند کړی دی..

جان باس ویلي،تیرو کلونو کې د نړیوالو مرستې غلا او شخصي ګټو لپاره وکارېدې، چې له کبله یې زیات شمیر افغانان وکړېدل.
نوموړی زیاتوي، دا چې افغان حکومت داسې خطرناک ګام اخیستی او د نورو فاسدو کسانو په نیولو کې هم پاتې راغلی د فساد پر ضد د افغان حکومت هوډ تر پوښتنې لاندې راولي.

د ملي امنیت پخواني مشر بیا رحمت الله نبیل بیا ویلي، چې معتبرو سرچینو یې ورته ویلي چې خلیل فیروزي د اشرف غني انتخاباتي کمپاین ته د ۳۰ میلیونه ډالرو بډو په ورکولو سره پریښوودل شوی دی.

بلخوا د غنی ویاند وایي، چې فیروزي یې د روغتیایی ستونزو له امله پریښی، خو دا یې نه دي ویلي چې ولې یې د کور پر ځای روغتون ته نه دی استولی.

د یادونې وړ ده چې په ۲۰۱۰ کال کې د کابل بانک له سقوط وروسته د کرزي په مشرۍ افغان دولت د دغه بانک مدیریت په خپل لاس کې واخیست او محکمې هم د کابل بانک په کړکېج کې ښکیل کسان په بند محکوم کړل.
تر دې وروسته په ۲۰۱۴ کال کې اشرف غني یو ځل بیا د کابل بانک دوسیه خلاصه او د کابل بانک دوه اصلي ګډونوال شیرخان فرنود او خلیل الله فیروزي یې هر یو په لسو کلونو بند او د ۳۰۰ ملیونو ډالرو اختلاس شویو پیسو په ورکړې محکوم اعلان کړل، خو شیرخان فرنود تیرکال په زندان کې ومړ

Related Articles

ځواب دلته پرېږدئ

ستاسو برېښناليک به نه خپريږي. غوښتى ځایونه په نښه شوي *

Back to top button
Close
Close