افغانستان په روان کال کې ۲۵۵ټنه مېوه بهر ته صادره کړې

عزم(چهار‌شنبه، ۱۶زمری، ۱۳۹۸ل):  د افغانستان د سوداګرۍ او صنایعو وزارت مسوولین وايي، په روان زېږدیز کال کې افغانستان بهرنیو هېوادونو ته ۲۵۵ټنه مېوه صادره کړې ده.

د دې وزارت ویاند سمیر رسا وايي، هندوستان، چین او عرب متحده اماراتو ته ۲۵۵ ټنه مېوه صادره شوې، چې د تېر کال په پرتله ۳۰سلنه زیاتوالی پکې راغلی دی.

دی وايي، د هوايي دهلېزونو له امله د پخوا په پرتله وچې او تازه مېوې ډېرې صادرې شوي دي.

مڼې، انار، خټکي، هندواڼې او انګور هغه مېوه جات دي، چې بهرنیو هېوادونو ته ډېر صادرېږي.

د اقتصادي چارو کارپوهان د هوايي دهلېزونو لګښت ډېر یادوي، چې سوداګرو ته پکې ګټه کمه او پر لېږد یې لګښت ډېر راځي.

Related Articles

ځواب دلته پرېږدئ

ستاسو برېښناليک به نه خپريږي. غوښتى ځایونه په نښه شوي *

Close