د سوني شرکت د ګرمي له منځه وړلو ځانګړې دستګاه جوړه کړې

 

عزم(یکشنبه، ۶ زمری ،۱۳۹۸)د سوني شرکت اعلان کړی چې داسې یوه دستګاه یې جوړه کړې چې څوک یې پر بدن تر اغوستلو وروسته له خپل موبایل سره وصل کړي، د بدن د حرارت کچه به د ده خوښې په آندازه کمه یا زیاتیږي.

د سوني جاپاني شرکت دغه نوی محصول «ریون پاکټ» نوم لري، چې د بدن لپاره د سړې هوا په تولیدولو کې مرسته کوي.

یاد شرکت وایي، دغه نوی محصول یې د هوا له بدلونونو څخه د منفي اثراتو د اخیستلو مخه ونیسي او له خلکو سره د سالمې روغتیا په برخه کې مرسته کوي.
ریون پاکټ د یوه کارت په څیر آله لري چې په لباس کې ورته مخفي ځای ورکړل شوی، یاده دستګاه به د بیلوتوت له لارې له موبایل سره وصل او خاوند به یې د ګرمۍ کچه په خپله خوښه ځانته ټاکي.

سوني وایي،په بریالۍ توګه یې خپل دغه تولید آزمایلی او کولی شي د پیرودونکو د ګرمي کچه ۱۳ درجې ښکته او یا یې هم ۸،۳ درجې لوړه کړي.

دغه دستګاه به د لومړي ځل لپاره په جاپان کې بازار ته وړاندې شي او بیه به یې له ۱۱۷ نه تر ۱۷۵ امریکایي ډالرو پورې وي.

Related Articles

ځواب دلته پرېږدئ

ستاسو برېښناليک به نه خپريږي. غوښتى ځایونه په نښه شوي *

Close