جولای 23, 2019

امریکایي رسنۍ: ټرمپ د افغانستان په تړاو فاحش دروغ ویلي

امریکایي رسنۍ: ټرمپ د افغانستان په تړاو فاحش دروغ ویلي

عزم(جمعه، ۱۴چنګاښ،۱۳۹۸)

د امریکا د سي ان ان تلویزیوني چینل په یوه څیړنیز مطلب کې له فاکس نیوز سره د ټرمپ وروستۍ مرکې ته اشاره کړې چې په وینا یې، ټرمپ به دغه مرکه کې  د افغانستان په تړاو له حقیقت څخه لرې خبرې کړې دي.

یادې رسنۍ ویلي،دا چې ټرمپ ادعا کړې چې  افغانستان کې یې د خپلو ځواکونو شمیر له ۱۶ زرو نه ۹ زرو ته راکم کړی، حقیقت نه لري ځکه چې  لا هم په افغانستان کې ۱۴ زره امریکایی پوځیان میشت دي او جګړییز فعالیت مخته وړي.
راپور زیاتوي، ښایی د ټرمپ موخه د هغو ۸۵۰۰ کسانو کمول وي چې د افغان ځواکونو د روزنې ماموریت پرغاړه لري.
سي ان ان وایي، ټرمپ په دغه مرکه کې دا ادعا هم ناسمه کړې چې افغان کانونه د چین هیواد د شرکتونو له خوا په ناقانونه کیندل کیږي، چې امریکا هڅه کوي د دغو کانونو ساتنې ته یوځانګړی کنډک هم سیمې ته ولیږي.
راپور کې د ټرمپ هغه ادعاوې هم ناسمې بلل شوې چې ویلي یې وو، په تیرو ۱۹ کلونو کې امریکا په افغانستان کې د یوه هوټل پرجوړولو میلیونونه ډالر لګښت کړی، دغه راز یې د تیلو د یوه پمپ پر جوړیدو هم ۸۰ میلیونه ډالره پیسې لګولې دي

دغې امریکایی رسنۍ ویلي، د ټرمپ ټولې څرګندونې یا له حقیقت څخه یومخ لرې او یا هم له خورا زیاتې مبالغې ډکې دي، چې یقین ورباندې کول ناسم کار دی.

Related posts