هلمند، کندهار، بلخ او پکتیا کې ۶ قومندانانو ته مرګ ژوبله اوښتې

 

عزم(یکشنبه، ۲۶ غبرګولی ۱۳۹۸): طالبان وایي په هلمند کندهار، بلخ او پکتیا کې یې د دولت پنځه لوړپوړي قومندانان وژلي دي او د صفر یو قطعې قومندان یې ټپي کړی دی.

طالب ویاند قاري یوسف احمدي په خپل ټویټر اکاونټ لیکلي دي چې تیره شپه یې د هلمند ولایت ګرشک ولسوالۍ کې د پوستې قومندان خاکسار او یو بل قومندان اخترمحمد سپینک سره له ۲ نورو پوليسو وژلي دي.

احمدي همدا راز ویلي دي چې تیر ماښام یې د کـنـدهـار ارغنداب ولسوالۍ اړوند د بابا صاحب دوه لارې ته څیرمه دصفر ۱ قطعې پخوانی قومندان احمدالله په یوه کمین کې ژوبل کړی او درې ساتونکي یې وژلي دي

د دې سربیره طالبانو چې تیره ورځ ماسپښين مهال یې د پکتیا ولایت سیدکرم ولسوالۍ خنډخیلو سیمه کې د برید او چاودنې په ترڅ کې د یادې ولسوالۍ د اربکیانو عمومي قومندان(اختر) او د پوستې قومندان(قاري) له یو ساتونکي سره وژلي او ۳ نور پولیس یې ژوبل کړي دي.

طالبانو په یو بل خبر کې د بلخ ولایت خاص بلخ ولسوالۍ کې د یو بل اربکي قومندان شیرمحمد د وژلو ادعا هم کړې ده او زیاته کړې یې ده چې یو میل پیکا یې هم لاسته ترې ورغلې ده.

Related Articles

ځواب دلته پرېږدئ

ستاسو برېښناليک به نه خپريږي. غوښتى ځایونه په نښه شوي *

Back to top button
Close
Close