عمان سمندر کې دوې تېل وړونکې بېړۍ زیانمنې شوې

نن پنجشنبه په عمان سمندرګي کې پر دوو تېل وړونکو بېړیو باندې چاودنې شوې دي. د چاودنو نوعیت لا هم څرګند نه دی، خو د بېړیو عملې ته زیان نه دی پکې اوښتی.

د امریکا سمندري ځواکونو څو شېبې وروسته اعلان وکړ چې له دې تېل وړونکو بېړیو سره ”چې ویل شوي د برید هدف شوې دي“ د مرستې کولو په حال کې دی.

بل خوا، د ایران رسمي خبري اژانس ایرنا ویلي چې ایراني سمندري ځواکونو د دې دوو بېړیو ۴۴ کسه عمله ژغورلې او جاسک بندر ته یې نقل کړي دي.

د ایرنا د راپور له مخې، په دې دوو بېړیو کې د عمان په سمندرګي کې اور لګېدلی و.

د یادونې وړ ده، نږدې یوه میاشت وړاندې د متحده عرب اماراتو په الفجیره بندر کې هم څلور تېل وړونکۍ بېړۍ په یوه برید کې زیانمنې شوې وې. سعودي عربستان تور پورې کړی و چې دا برید ایران کړی خو ایران دا تورونه رد کړي دي.

Related Articles

ځواب دلته پرېږدئ

ستاسو برېښناليک به نه خپريږي. غوښتى ځایونه په نښه شوي *

Close