اشرف غني: خوشې شوي طالبان به د سولې سفیران شي

عزم(پنجشنبه، ۲۳ غبرګولی، ۱۳۹۸ل): د ګډ حکومت مشر اشرف غني د هغو ناندریو وروسته، چې ښايي خوشې شوي طالب بندیان به بیا د جګړې لیکو ته ستانه شي، ویلي چې خوشې شوي طالب بندیان به د سولې سفیران وي.

د ده په خبره، «د هېواد له بنده ډېری خوشې شوي بندیان به د سولې سفیران شي او د جګړې ډګرونو ته به نه ستانه کېږي.»

نوموړي نن د افغانستان د علماوو سراسري شورا له غړیو سره په لیدنه کې وویل، چې تراوسه یې ۴۹۰ بندیان خوشې کړي او پاتې بندیان به هم خوشې شي.

د غني په خبره، ټول ۹۰۰ بندیان له زندانونو خوشې کېږي او په تېرو لسو ورځو کې د کابل د څرخي‌پله، هرات، ننګرهار او ګڼ شمېر نورو ولایتونو کې هم ځینې بندیان ازاد شوي دي.

طالبانو هم د حکومت له لوري د بندیانو د خوشې کولو ګام ستایلی و.

د طالبانو له لوري په خپره شوې خبرپاڼه کې ویل شوي، چې تراوسه ۲۶۱ طالب بندیان ازاد شوي دي.

Related Articles

ځواب دلته پرېږدئ

ستاسو برېښناليک به نه خپريږي. غوښتى ځایونه په نښه شوي *

Back to top button
Close
Close
%d bloggers like this: