کندز: د بهرنیو ځواکونو بمبار کې ۱۲ عسکرو ته مرګ ژوبله اوښتې

 

عزم(چهارشنبه، ۲۲ غبرګولی ۱۳۹۸): د کندز ولایت امام صیب ولسوالۍ اړوند د اسماعیل قشلاق سیمه کې بهرنیو ځواکونو د پولیسو پر پوسته بمبار کړی دی چې پولیسو ته یې مرګ ژوبله اړولې.

د امام صیب ولسوال محبوب الله سعیدی رسنیو سره په خبرو کې منلې چې تیره شپه بهرنیو ځواکونو د ملي اردو د سرتیرو یوه پوسته د امام صیب اړوند اسماعیل قشلاق سیمه کې بمبار کړې ده، خو د تلفاتو په اړه یې څه ندي ویلي.

یوې بلې امنیتي سرچینې بیا ویلي دي چې د یاد بمبار په ترڅ کې ۸ تنه پولیس وژل شوي او ۴ تنه نور ټپیان دي چې د ځینو روغتیایي حالت د اندیښنې وړ دی.

بل خوا طالب ویاند قاري یوسف احمدي په خپل تویټر اکاونټ لیکلي چې عسکرو غوښتل د دوی په سنګرونو چاپه و وهي خو د بهرنیو ځواکونو الوتکو د طالبانو د سنګرونو پرځای پر دولتي عسکرو بمبار وکړ چې ۱۵ تنو عسکرو ته یې مرګ ژوبله واړوله چې له دغې پیښې وروسته عسکرو سیمه پریښودله او همداسې لاړل.

Related Articles

ځواب دلته پرېږدئ

ستاسو برېښناليک به نه خپريږي. غوښتى ځایونه په نښه شوي *

Back to top button
Close
Close
%d bloggers like this: