د کرنې وزارت په ۴ ولایتونو کې د پستې ۱۴۰۰۰نیالګي وېشي

عزم(سه شنبه، ۰۷غبرګولی، ۱۳۹۸): د افغانستان د کرنې او مالدارۍ وزارت وايي، په پام کې لري چې په ۴ ولایتونو کې د پستې ۱۴۰۰۰نیالګي ووېشي.

د دې وزارت ویاند اکبر رستمي وايي، بلخ، سرپُل، جوزجان او سمنګان هغه ولایتونه دي، چې د پستې د نیالیګو د وېش لړۍ به پکې پیل کړي.

د ده په خبره، د بڼوالو د اقتصاد د پیاوړتیا په هدف په یادو څلورو ولایتونو کې د پستې نیالګي وېشي.

«په تېرو درې څلور کلونو کې د کرنې وزارت یو پروګرام د پستې د بڼونو جوړول وو، چې په ۱۴۰ ولسوالیو کې یې نتیجه ورکړې ده، په تېره کې د پستې بڼونونه په وحشي ډول موجود وو، خو اوس دغه وزارت د پستې په بڼونو کار پیل کړی او نتیجه یې هم ورکړې ده.»

دی وايي، تراوسه یې په ۲۹زره جریبه ځمکه د پستې بڼونه جوړ کړي، چې یوازې لس زره جریبه په شمال کې دي.

د افغانستان مهم صادرات وچې او تازه مېوې، طبي بوټي، زعفران او غالۍ دي، چې پسته یې هم په سیمه کې ښه بازار لري.

Related Articles

ځواب دلته پرېږدئ

ستاسو برېښناليک به نه خپريږي. غوښتى ځایونه په نښه شوي *

Close