اپریل 21, 2019

خوست: په واده کې د ډزو له امله ۲۵ کسانو ته مرګ ژوبله اوښتې

خوست: په واده کې د ډزو له امله ۲۵ کسانو ته مرګ ژوبله اوښتې

عزم( دوشنبه ۱۳۹۸ وری ۲۶)

راپورونه وایی چې تیره شپه د خوست ولایت په تڼیو ولسوالۍ کې د واده په سندریز محفل کې یوه ځوان د خوښۍ ډزې کړې او ګڼو کسانو ته یې مرګ ژوبله اړولې ده.

د خوست امنیه قوماندانۍ ویاند عادل حیدري رسنیو ته ویلي، په دغه پیښه کې درې کسان ځای پرځای وژل شوي او ۱۳ نور ټپیان دي، چې د ځینو یې حالت د اندیښنې وړ دی .
خو سیمیز خلک بیا دا شمیر لوړښیي او زیاتوي،  د پیښې پر مهال ۵ کسان وژل شوي او تر ۲۰ ډیر نور ټپیان شوي دي.
د خلکو په وینا،  یاد ځوان په دغه سندریز محفل کې د نیشې په حالت کې  برید کړی او مخامخ یې پر خلکو ډزې کړې دي.
یو شمیر سرچینو ویلي چې دغه ځوان د خوست د کمپاین د ځواکونو یا ضربتیانو د ډلې غړی ؤ.

Related posts

Leave a Reply

ستاسو برېښناليک به نه خپريږي. غوښتى ځایونه په نښه شوي *