اپریل 21, 2019

لغمان کې یو عسکر خپل شپږ ملګري طالبانو ته په لاس ورکړي

لغمان کې یو عسکر خپل شپږ ملګري طالبانو ته په لاس ورکړي

 

عزم(یکشنبه، ۲۵ وری ۱۳۹۸): طالبان وایي تیره شپه یې د لغمان مرکز مهترلام اړوند کرنج آبه سیمه کې یې د یو نفوذي ملګري په توسط د بالاحصار پوسته نیولې ده.

د طالبانو له لوري په خپره شوې خبرپاڼه کې راغلي چې یاده پوسته کې یې ۶ تنه اربکیان ژوندي نیولي، ۷ میله سپکه او درنه وسله او ګڼ شمیر مهمات هم لاسته ورغلي دي.

همدا راز طالبانو د پکتیا په زرمت کې هم د یوې پوستې د نیولو، ۱۲ عسکرو د وژلو او ۲ ټانګونو د تخریب ادعا کړې ده.

طالب ویاند ویلي چې تیره شپه یې د پکتیا زرمت ولسوالۍ اړوند د هستوګني پوسته او ور څیرمه کلا چې عسکر پکې اوسیدل د یو لړ تعروضي بریدونو په ترڅ کې نیولې دي او ۱۲ عسکر یې وژلي دي.

Related posts

Leave a Reply

ستاسو برېښناليک به نه خپريږي. غوښتى ځایونه په نښه شوي *