د کابل برید چا او ولې تر سره کړ

عاکف مهاجر

دوه ورځې وړاندې د لړم په (۲۹) نیټه د چهارشنبې په شپه د کابل په زړه کې د میدان هوایي په سړک د اورانوس هوټل کې د میلادالنبي پر غونډه کې چاودنه ترسره شوه چې لسګونه مسلمانان د ملایانو او طالبانو په ګډون پکې ټپیان او شهیدان شول.

پوښتنه داده چې دغه چاودنه چا او ولې ترسره کړه؟ دلته خو نه د دولت ضد خلکو غونډه وه او نه د طالب ضده خلکو نو بیا چا او څنګه وکړل؟

د یادې غونډې ځینې ګډونوال او غونډې ته ورتلونکي له حقیقت پرده پورته کوي او د غونډې اصلي طراحان یې ښودلي چې څوک دي.

د شمشاد تلویزون په پرده ډیر راڅرګندیدونکی دولت پلوه ملا مولوي ریحان هم یو له هغو څخه دی چې ناببره ترې د خپلو یارانو په ضد حال ویل شوی.

هغه وایي غونډې ته په لار وو لا چاودنه نه وه ترسره شوې ډیرې شیبې ورته پاته وې چې د ملي امنیت له لوري ورته زنګ و وهل شو او ورته و ویل شول که اورانوس هوټل غونډې ته ځې نو مه ځه هلته امنیتي مشکلات دي چې زیان درته ونه رسیږي.

هغه وایي همدا وو چې له غونډې بیرته راوګرزیده چې څو شیبې وروسته په رسنیو کې د اورانوس هوټل کې د میلاد النبي پر جلسه د چاودنې خبرونه رسنیز شول.

همدا راز د غونډې له چاودنې څو شیبې مخکې یو ټویټر جوړ شوی چې یواځې دوه فالوورز لري او د طالب ویاند فوټوشاپ د ټویټر انځور یې نشر کړ د برید پړه یې پر غاړه واخیسته، خو طالبانو بیا دا یو وحشي عمل بللی وو او رسمي اعلامیه یې هم خپره کړې وه.

د نورو دلائلو ترڅنګ لکه څنګه چې ولسمشر غني څه موده وړاندې له رسنیو سره د مرستې په ورځ ویلي وو چې رسنۍ هم باید له دوی سره څه وکړي د برید په اړه لومړی طلوع نیوز ویلي وو چې یاد برید کې هغه ملا هم موجود وو چې د دولت په ضد به یې څرګندونې کولې چې مفتي نعمان یې ښودلو.

مفتي نعمان د جمعة الاحناف د مدرسې مهتمم دی چې ډیر وخت د طالبانو په ګټه او د دولت په ضد څرګندونې کوي.

طلوع نیوز په لومړیو کې دولت ته خیاطي کوله او د کندز د غونډې په څیر یې د یادې غونډې ګډونوال یې هم طالبان معرفي کړل خو هغه د چا خبره دوی برج جوړولو خو ترې کادانه شوله او په ولسي خلکو برید چې دولت غوښتل ترې منکر شي په دولت باندې شاهدي و ویلې.

همدا راز افغانستان کې له هر برید وروسته د برید پړه یا طالبان یا داعش یا دولت په غاړه اخلی خو دا ځل ټولو برید وغندلو اشرف غني بیا آن دومره غمرازي وښودله چې آن ملي ماتم یې اعلان کړ او هغه د چا خبره وی غله تر ټولو زیاتې ښیرا کولې او د کار غندنه یې کوله تر څو خلکو ته دهوکه ورکړي چې دی خو له سره پرې خبر هم ندی.

دا ډول بریدونه چې عاملین یې نامعلوم وي پخوا هم شوي چې اکثر وخت یې نښې نښانې دا ګواهي ورکوي چې دولت یا امریکایانو ترسره کړي وي دغه برید هم بالکل کټ مټ همغه شان دی.

د یاد برید په اړه ځینې وایي چې داعش ترسره کړی خو داعش پخوا په ډیرو ځایونو کې د ملکي خلکو د وژنې پړې ومنلې خو دا ځل هغوی هم چپ پاته شول او د برید په اړه یې هیڅ ونه ویل.

افغان ولس وس ښه پوهیدلی چې هیواد کې داعش چا رامنځته او څوک یې حمایت کوي دلته هم شکوک راپیدا کیږي چې شاید دولت ورته ویلي وي چې د برید پړه ونه مني ځکه د دوی رسوایي ده او خلک پوهیږي چې دوی او دولت د یوې ائینې دوه مخونه دي.

د نورو دلائلو تر څنګ عمده دلیل دا دی چې د یاد هوټل امنیتي کامرې ټولې د ملي امنیت ځواکونو ټولې کړې دي تر څو خلک ونه پوهیږي او د برید عاملین د کامرې په ثبت شوې ویډیو کې ښکاره نشي.

د یادونې وړ دی چې امریکایان کله په عراق کې له ناکامی سره مخ شول همدا ډول چاودنو ته یې زور ورکړ او عراقي ولس یې په خپل منځ کې سره واچولو یوه چاودنه یې د سنیانو بله د شیعه ګانو په منځ کې کوله چې په همدې توګه یې هغوی په یو بل شکمن او سره لاس او ګریوان یې کړل دوی په خړو اوبو کې خپل ماهیان نیول.

Related Articles

ځواب دلته پرېږدئ

ستاسو برېښناليک به نه خپريږي. غوښتى ځایونه په نښه شوي *

Back to top button
Close
Close